ANTSO AVO HO FAMPITSAHARANA TSY MISY HATAK'ANDRO NY ASA FITRANDRAHANA VOLAMENA TSY ARA-DALANA SY MAMPIDIDOZA ATAON’NY ORINASA M.L.S.G AO AMBALAMANASA, KAOMININA VOHILAVA, DISTRIKAN’I MANANJARY.

Ny 17 Aogositra 2026, taorian’ny fisintonana lakolosy nataon’ny solombavambahoaka MAMIHAJA Charlot[1] tao amin’ny tambajotra sosialy, mikasika ny tetikasa fitrandrahana volamena tsy ara-dalàna ataon’ny orinasa M.L.S.G. ao amin’ny fokontany Ambalamanasa, Kaominina Vohilava, distrikan’ny Mananjary, dia nanatontosa firotsahana ifotony ny minisiteran’ny fitsarana nijery ny zava-misy. Hita tao an-toerana tamin’izany ireo mpitrandraka tsy ara-dalàna sy ireo fitaovam-pitrandrahana maro avy ao amin’ny orinasa M.L.S.G. teo am-perin’asa.

Noho izany, dia nanao fanambarana ampahibemaso ho fampitsaharana io fitrandrahana volamena io ny Minisitra Fanirisoa HERINAIVO tamin’ny 21 Aogositra 2026 lasa teo. Teo ihany koa ny fisamborana ireo teratany sinoa tompon’antoka tamin’izany, ary nogiazana avokoa ireo milina fitrandrahana.[2].

Raha ny voalazan’ireo mponina anefa, dia mbola mitohy mandraka ankehitriny ny fitrandrahana volamena, ary miasa andro aman’alina mihitsy ireo mpitrandraka. Amin’izao fotoana anaovana ity fanambarana ity izao, dia mbola miasa avokoa ireo milina izay voalaza fa nogiazan’ny fanjakana tao aorian’ny fampitsaharana voalaza etsy ambony.

Tsiahivina hatrany ny tsy faneken’ny vahoaka voakasika ity tetikasa fitrandrahana ity, izay mbola tsy nahazo taratasy fahazon-dalana hitrandraka, sady mbola tsy nahazo fankatoavana avy amin’ny kaomina sy ny fokontany ihany koa. Mbola tsy nisy ihany koa ny fahazoan-dalana ara-tontolo iainana, izay anisan’ny fepetra tsy maintsy arahina ary takiana amin’ny asa fitrandrahana tahaka izao.

Etsy an-daniny izay anefa, rehefa nanontaniana ny Minisitra tompon’andraikitra amin’ny fitrandrahana ny harena an-kibon’ny tany dia nilaza fa tsy miasa ny orinasa fa manao « entretien » ny milina fiasany fotsiny. Etsy an-kilany kosa, ny orinasa Mac Lai Sime Gianna (M.L.S.G) dia nanambara fa efa miara-miasa amin’ny Fiadidian’ny Fanavaozana ny Repoblikan’ny Madagasikara (PRRM) izy ireo[3].

Nandritra ny fidinana ifotony dia nanamafy ny Minisiteran’ny fitsarana fa miaro ny tany tàn-dalàna, ary mijery akaiky ireo izay minia mandika lalàna. Mifanohitra amin’izany anefa ny zava-misy ankehitriny izay miteraka ahiahy eo amin’ireo vahoaka voakasika ny amin’ny mety ho fitongilanana amin’ny mpanambola, ary mahatonga ny tsy maty manota amin’ny fitrandrahana volamena tsy ara-dalàna ataon’ny orinasa M.S.L.G., na dia manohintohina sy manosihosy ny zon’ny vahoaka sy ny tontolo iainana aza izany.

Mampametram-panontaniana ihany koa ny tsy fijerena akaiky sy ny tsy fisian’ny ny fepetra avy amin’ireo tompon’andraikitra mahefa manoloana ny fahoriana mahazo ny vahoaka any ifotony, izay efa imbetsaka no nitaraina ny amin’ny fahaverezan’asa ho an’ireo mpitrandraka madinika maro an’isa. Efa an-taona maro ihany koa ireo vahoaka ireo no nanao fitarainana momba ny fampiasan’ny mpitrandraka mercure sy akora simika misy asidra izay miparitaka amin’ny rano fampiasan’ny mponina.

Araka ny fijorona vavolombelona nataon’ireo mponina[4], tamin’ny taona 2025 dia niakatra ny taham-pahafatesan’ny zaza vao teraka tao amin’ny kaominina Vohilava vokatrin’ny fahalotoana’ny rano sy ny rivotra. Eo ihany koa ny fahapotehan’ ny tontolo iainana vokatry ny fanotorana ny renirano sy ny tany fambolena avy amin’ny tetikasa fitrandrahana, miampy ny fanelingelenana aterakin’ny feon’ireo milina izay miasa andro aman’ alina.

Noho izany, dia manao antso avo ho an’ny manam-pahefana sy ireo tompon’andraikitra isan-tsokajiny ny vahoaka voakasiky ny tetikasa mba hampitsaharana tsy misy hatak’andro, sy handraisana fepetra hentitra amin’io orinasa mpitrandraka volamena tsy ara-dalàna sy mampididoza io .

Izahay fikambanana manao sonia ity fanambarana ity, dia manamafy izany fangatahana izany, ary mampahatsiahy hatrany fa zon’ny vahoaka ny mandà sy manohitra io tetikasa fitrandrahana io, ka ny fahendrena lehibe indrindra ho an’ny manam-pahefana nomen’ny vahoaka fitokisana dia ny fihainona sy famaliana izany fangatahana izany.

Antananarivo, faha – 12 Oktobra 2026

 – Centre de Recherches et d’Appui pour les Alternatives de Développement – CRAAD-OI

– FARM – Femmes en Action Rurale de Madagascar

_ Observatoire Indépendant des Droits Economiques, Sociaux et Culturels de Madagascar – Antenne de    Mananjary (OIDESCM – Mananjary)

[1] https://www.facebook.com/reel/1780572819757848?locale=fr_FR

[2] https://www.facebook.com/reel/949298454862888

[3] https://www.facebook.com/reel/1091422993227418/?app=fbl

[4] Vaovao I-BC 6 Oktobra 2026

The post FANAMBARANA appeared first on CRAAD-OI.

TSY MAINTSY HATAO NY AMPAMOAKA ARY HATSAHATRA NY TSINDRY HAZO LENA MIARAKA AMIN’NY FANGORONAN-TANY SY RANOMASINA ATAON’NY ORINASA “TSINGY BAY” AO MAROVAZA BE, DISTRIKAN’ANALALAVA.

 

Vao tonga tao amin’ny tanàna Marovaza Be, fokontany Anjajavy, kaomina Antonibe ao amin’ny faritra Sofia ny orinasa TSINGY BAY tamin’ny taona ny 2022 dia nanomboka nanao didiko fe lehibe sahady,satria tsy nisy fifampiresahana tamin’ny mponina, fa avy dia namefy ny ranomasina sy ny tanàna, ka hatreny amin’ny arabe ny fototry ny tamboho naorin’izy ireo. Novoleny fefy misy tsilo ihany koamanodidina ny tanàna. 

Rehefa nanatona nifampiresaka ny mponina nitaky ny hanajanonana ny famefena ny tanàna sy hanajanonana ny asa fanorenana, dia avonavona sy fanohizana ny fanamparam-pahefanano namalian’ny tompon’ny orinasa TSINGY BAY azy ireo.

Misy amin’ireo mpiasa tao amin’io orinasa io koa no noterena hivarotra ny taniny amin’ny tompon’ny orinasa, ary norahonana ny ho esorina amin’ny asa, ka na mivarotra dia mijanona miasa, na lasan’ny orinasa maimaipoana ny tany sady ho voaroaka amin’ny asa. Fanampin’izany, dia misy fampisaraham_bazana sy fampiadiana ireo fokonolona izay voatery nivarotra ny tanindrazany sy ireo mbola tsy manaiky hivarotra ny tanindrazany ataon’io orinasa io.

Nanapa-kevitra hivondrona ao anatin’ny « Fikambanana Tsinjo Lavitra Marovaza Be » ireo fianakaviana 100 mahery ao amin’ny fokonolona voakasika tamin’ny volana desambra 2024 mba hiarovany ny tanindrazany sy ny zony. Noho izany dia nihamafy ny ramatahora sy ny tsindry hazo lena avy amin’nyorinasa TSINGY BAY. Namoronana « dossiers » sy noendrikendrehina izay sahy manohitra ny fanaovana ampihimamba ny tany tao Marovaza Be, ary notsindriana sy norahonana ho gadraina sy ho enjehina eny amin’ny fitsarana izay tsy mivarotra ny taniny amin’io orinasa io. Natahotra tokoa ny mponina ka maro ireo voatery nivarotra ny tanindrazany.

Tamin’ny volana oktobra 2025 dia nisy ny fihaonan’ny tompon’ny orinasa TSINGY BAY tamin’ny mpanao gazety tao amin’ny Novotel Alarobia, ho fampahafantarana ireto farany mahakasika ny tetikasa goavana kasainy hatao ao Marovaza Be amin’ny sehatry ny fizahan-tany. Ankoatra ny fangoronan-tany sy ranomasina izay efa misy, dia hita mazava tamin’izany fa hisy fiantraikany mivantana amin’ny harena voajanahary izay tsy hita afatsy ao Marovaza Be sy ny manodidina, ary koa amin’ny toerana masina sy faritra arovana maro ilay tetikasa goavana kasainy hatao ao anatin’ny ranomasina manoloana ny hotely
TSINGY BAY.

 Tamin’ny taona 2025, dia nalain’ny orinasa TSINGY BAY ihany koa ny sekoly EPP Marovaza Be satria tsiriritin’izy ireo ihany koa ny tany misy ny sekoly. Nosoloan’izy ireo olony ny talen-tsekoly, ary nohenjehina ny tale taloha sy ny mpampianatra sasany. Manoloan’izany dia maro ireo ray aman-drenin’ny mpianatra no nitsipika io toe-javatra io ary nandà tanteraka io fikasan’ny orinasa io, kanefa nandefasan’i TSINGY BAY zandary nanao hery famoretana andro aman’alina ireo mponina, ary mbola mitohy izany asa famoretana izany hatramin’izao.

Mpikambana 11 ao amin’ny fikambanana Tsinjo Lavitra no efa voasambotra ary nogadraina hatramin’izao. Tsy vitan’ireo mponina ao Marovaza Be ihany, fa ny mpanao gazety izay sahy manome sehetra azy ireo hiteny mikasika ny zava-manjo azy sy ny fitakiany1 dia iharan’ny tsindry sy ny fandrahonana avy amin’ny orinasa TSINGY BAY ihany koa.

 Mandrak’ankehitriny dia mbola mitohy ny famefena ny tanàna sy ny ranomasina izay misy ny foto-piveloman’ny mponina ataon’io orinasa TSINGY BAY io eto Marovaza Be, ary mitohy manaraka izany ihany koa ny tsindry hazo lena sy ny ramatahora isan-karazany mianjady amin’ny mponina. Misy amin’ireo mponina tsy nanaiky hivarotra ny tanindrazany no voatery mifindra monina sy mitady vola any lavitra noho ireo fanenjehana samihafa mahazo azy ireo

Noho izany fanitsakitsahana amin’ny endrika samihafa ny zon’ireo mpiray tanindrazana ao Marovaza Be izany, ny fikambanana manao sonia ity fanambarana ity dia manainga anareo fitondram-panjakana sy tompon’andraikitra isan-tsokajiny hanatanteraka ny adidinareo ka hanafaka azy ireo amin’ny tsindry hazo lena mahazo anay, ary hamerina ny tanindrazany amin’izy ireo tompon-tany ireo. 

 Farany, izahay fokonolona eto Anjajavy, Marovaza Be dia mitaky ny handraisanareo fepetra tsy misy hatakandro amin’ireo mpangalatra tany sy mpanao ramatahora izay manao didiko fehy lehibe teto aminay hatramin’ny taona 2022 mandraka ankehitriny. 

 Marovaza Be, faha 24 Aogositra 2026.

• Centre de Recherches et d’Appui pour les Alternatives de Développement – Océan Indien (CRAAD
  OI) ; craad.madagascar@gmail.com ; http://craadoimada.com
  • Réseau des Jeunes pour le Développement Durable (RJDD) ; rjdd.madagascar@gmail.com ;
  https://web.facebook.com/RJDDMadagascar
  • Fikambanana Tsinjo Lavitra Marovaza Be; C/O RJDD
  • Femmes en Action Rurale de Madagascar (FARM) ; farmmadagascar@gmail.com;    https://web.facebook.com/farmadagascar

1 Fandaharana « Zo Hiteny » tamin’ny 16 jolay 2026. https://web.facebook.com/reel/1482371936977222?locale=fr_FR

The post FANAMBARANA appeared first on CRAAD-OI.

LE PERMIS MINIER ACCORDE A LA SOCIETE HARENA RARE EARTHS PLC. SANS CONSULTATION PREALABLE AVEC LES COMMUNAUTES AFFECTEES PAR SON PROJET D’EXPLOITATION DE TERRES RARES A AMPASINDAVA DOIT ETRE ANNULE.

L’octroi d’un permis d’exploitation à la société HARENA RARE EARTHS PLC. Suite à la signature du cahier de charges
minières relatif à son projet d’exploitation de terres rares à Ampasindava a été annoncé sur la toile par les media
internationaux depuis le 11 août 2026, tandis que ce processus s’est déroulé silencieusement et dans une opacité totale
du côté du Ministère des Mines et des Ressources Stratégiques de Madagascar.

Malgré le refus catégorique de ce projet exprimé par les membres des 18 fokontany (communautés de base) concernés
dans une pétition déposée auprès de toutes les autorités compétentes depuis le mois de février 2026 1, ce permis minier
a été accordé par le Ministre Malagasy des Mines et des Ressources Stratégiques sans aucune information préalable et
appropriée des communautés affectées, sans parler de leur consentement qu’elles ont constamment refusé de donner à
ce projet au cours des dix dernières années en raison des risques graves de destruction de la biodiversité et de la perte
inacceptable de leur patrimoine foncier, socio-économique et culturel.

Compte tenu de l’Etude d’impact environnemental (EIE) que la société prévoit de réaliser selon les dispositions du Code
Minier et du Décret MECIE révisés qui n’affecteront aucunement son permis d’exploitation, il est très probable que les
résultats de cet EIE minimiseront les dégâts inévitables et irréversibles que son projet d’exploitation de terres rares va
causer sur la santé humaine et sur les écosystèmes terrestres et marins environnants, comme les dirigeants de la société
l’ont toujours fait dans leurs différentes déclarations. En particulier, la présence d’éléments radioactifs dans les minerais
de la zone mise en évidence par des chercheurs Malagasy2 augmentera considérablement les dégâts sur la santé
humaine pendant le processus d’exploitation.

Les préoccupations concernant les risques d’une mauvaise manipulation des déchets toxiques et d’émissions radioactives
sont exacerbées par le fait que Harena Rare Earths Plc. n’a aucune expérience dans le développement de mines de terres
rares, et se propose de tester l’utilisation d’une technologie de filtration en surface telle que la lixiviation en tas dans le
cadre de son usine minière pilote (proof of concept pilot plant) 3. En témoigne le fait que son directeur parle d’utiliser « une
faible solution de sulfate d’ammonium », alors que cette technique est en réalité très dommageable et a entraîné une grave
dégradation de l’environnement et des effets néfastes sur la santé des travailleurs et des communautés avoisinantes en
Chine, où cette technologie est interdite depuis 2011.

Par conséquent, les signataires de ce communiqué et les membres des communautés affectées par le projet réitèrent leur
opposition à ce projet d’exploitation de terres rares par la société Harena Rare Earths Plc., et leur refus de reconnaître la
validité de son permis d’exploitation, lequel doit être annulé tant que des consultations publiques adéquates et une EIE
indépendante ne seront pas achevés.

Nous lançons un appel aux autorités compétentes pour qu’ils mettent la protection du bien-être et des droits des
communautés concernées au-dessus de tout autre considération économique et diplomatique, et qu’ils défendent leur
souveraineté sur leur patrimoine naturel et leurs terres ancestrales.

Antananarivo, le 13 août 2026.

• Centre de Recherches et d’Appui pour les Alternatives de Développement – Océan Indien (CRAAD-OI) ;
craad.madagascar@gmail.com ; http://craadoimada.com
• Femmes en Action Rurale de Madagascar (FARM) ; farmmadagascar@gmail.com;
https://web.facebook.com/farmadagascar
• Réseau des Jeunes pour Développement Durable (RJDD) ; rjdd.madagascar@gmail.com ;
https://web.facebook.com/RJDDMadagascar

1 https://craadoimada.com/fanambaranny-fokonolona-voakasika-tsy-manaiky-ny-tetikasanny-orinasa-harena-rare
earths-plc-izay-mikasa-hitrandraka-terres-rares-eto-ampasindava/
2 Olivier Rafidimanantsoa, Martin Rasolonirina, Zafizara Donne, Patrice Hermann Ralaiarison, Sergio Tonissa, Naivo
Rabesiranana et Radaorolala Joseph Lucien Zafimanjato, CARACTÉRISATION DE LA RADIOACTIVITÉ NATURELLE DU
GISEMENT DES TERRES RARES, DE LA PRESQU’ÎLE D’AMPASINDAVA DU NORD-OUEST DE MADAGASCAR. American
Journal of innovative research applied sciences. 2021.13(4): 452-461.
3 https://www.miningweekly.com/article/harena-completes-prefeasibility-for-madagascar-project-2026-01-26

The post COMMUNIQUE appeared first on CRAAD-OI.

Il s’agit d’un mouvement culturel propre à la région du Nord de Madagascar.

Cette fois, l’événement se veut une tribune pour la défense des droits humains et de la justice climatique, ainsi que pour la dénonciation des politiques économiques et des systèmes qui exploitent l’environnement et les ressources naturelles de la région d’Ambanja.

Cet événement est organisé en collaboration avec le CRAAD-OI Madagascar et le Réseau des Jeunes pour le Développement Durable – Madagascar.

Nous invitons tous les talents désireux de participer à ce concours à nous rejoindre !

« Non à l’extractivisme et à l’accaparement des terres ! »

The post Concours GOMALAHY appeared first on CRAAD-OI.

Nasain’ Andriamatoa Ministry ny Fambolena sy ny Fiandrianana ara-tsakafo hivory ireo fikambanana niarananasonia ilay Fanairana ny vahoaka malagasy momba ny fifanarahana fiaraha-miasa ara-toekarena (APE) naparitaky ny fikambananan’ny tantsaha sy ny firaisamonim-pirenena taminy 5 Jona 2026 (1) ka ny alarobia 01 Jolay tao Antananarivo no natao ny fivoriana.

Maro ireo Tale sy tompon’andraikitra samihafa ao amin’ny Ministera nanatrika izany, ireo fikambanana kosa sady nisy tonga tao amin’ny efitra fivorian’ny Ministera, toy ny Lehiben’ny Fikambananan’ny Tantsaha maromaro, no nisy ny nandray anjara anjotra avy any amin’ny tanàna hafa.
Fideràna ireo fikambanana naneho ny fiarovana ny zon’ny Tantsaha tamin’ny alalan’iny Fanairana iny no voalohantenin’Andriamatoa Ministra Ramindo Gaëtan. Avy eo dia famaliana ireo fanontaniana samihafa napetraka ary famporisihina ny hisian’ny fifanatonana sy fifanakalozana ary fiaraha-miasa eo amin’ny fikambanana sy ireo tompon’andraikitra ao amin’ny Ministera. Mpiasanareo izahay hoy izy sy volanareo no anakaramàna anay, noho izany
dia aza matahotra manatona sy miantso rehefa misy ilàna izany.

Maromaro ireo lohahevitra nangatahan’ireo fikambanana fanazavàna sy nahazoana valiny. Fohy ny fotoana satria efa nampandre ny mpampiantrano fa tsy maintsy handeha hamonjy Filan-kevitry ny Ministra fa savaranonando ihany ilay fivoriana voalohany niarahana iny. Koa ninia tsy mbola niroso tamin’ny adi-hevitra lalina momba ny teboka rehetra ireo fikambanana fa nihaino tsara hatrany aloha.

Ny mahakasika ny APE (2) sy UPOV (3) no tena maika sy vain-dohan-draharaha tamin’io fivoriana io :

– Mahakasika ny fiaraha-manomana ny Fifanarahana fiaraha-miasa ara-ekonomika tamin’ny Vondrona Eropeanina APE

– Nitarainan’ireo fikambanana fa tsy nampandraisana anjara ny Tantsaha dia voalaza fa nisy fiantsoana fikambanana izay tsy namaly.

– Momba ny masomboly dia nampahafantarin’Andriamatoa Ministra fa tsy mpikambana ao amin’ny UPOV i Madagasikara fa mankato kosa ny TIRPAA (4). Tsy manana lalàna momba ny « obtenTIons végétales » izay miaro ny mpamorona masomboly (5) i Madagasikara sy tsy mbola nanomboka namolavola lalàna momba izany. Ary manohana ny fahafahan’ny tantsaha Malagasy manana safidy tanteraka amin’izay masomboly hampiasainy.

– Notsindrian’ireo fikambanana ary neken’Andriamatoa Ministra ny fangatahana hahazo ny votoatin’ny fifanarahana APE voasonia taminy 10 jona 2026 fa tena ilaina mba hahitàna ny antsimpririany sy hahafantarana mazava

* raha mamela ny tantsaha hampiasa sy hamokatra masomboly ankahalalahana ny fifanarahana voasonia,
* na fanehoana fanirina sy hafatrafatra momba ny hanaovan’i Madagasikara lalàna mahakasika ny « obtentions végétales » no misoratra ao,
* na ilay tolokevitry ny Vondrona Eropeanina voalohany nandritry ny fifanakalozan-kevitra milaza hoe « Ny andaniny tsirairay dia hiaro ny zon’ny karazana zava-maniry araka ny Fifanarahana Iraisam-pirenena ho Fiarovana ny Karazana Zava-maniry Vaovao (UPOV) araka ny fanitsiana farany natao tany Genève tamin’ny 19 Martsa (6) no niaraha-nanasonia.

Tokony hampahafantarina ny vahoaka malagasy tokoa mantsy ny votoatin’ny fifanarahana APE satria maro ny sehatra ara-toe-karena voaresaka ao ary indrindra iankinan’ny ain-dehiben’ny zon’ny Tantsaha hampiasa masomboly, ny Tantsaha izay maro an’isa eto Madagasikara sy miantoka ny zon’ny Malagasy hisakafo.

Ny hevi-dehibe tsara ho zaraina dia ny nanamafisan’ireo mpiandraikitra ao amin’ny Ministera sy ireto Fikambanan’ny tantsaha sy firaisamonimpirenana fa hifanakalo mialoha sy hiara-hiasa rehefa misy fanapaha-kevitra lehibe tokony ho raisina mahakasika ny fampandrosoana ny tantsaha sy ny fambolena ary ny famokarana .

02 Jolay 2026

Sonia

– Centre de Recherches et d’Appui pour les Alternatives de Développement – CRAAD-OI

– CNAF – Comité National pour l’Agriculture Familiale

– Collectif pour la défense des terres malgaches – TANY

– FVTM – Fivondronan’ny Vehivavy Tantsaha eto Madagasikara

– FARM – Femme en Action Rurale de Madagascar

– FEKRITAMA – Confédération des Agriculteurs Malgaches

– PLATEFORME REGIONALE SOCIETE CIVILE ALAOTRA MANGORO

– Réseau des Jeunes pour le Développement Durable _ RJDD

– Association FAFAMA MORAMANGA

-Observatoire de la Jeunesse

– Organisation Paysanne AKOTRY

– Tantsaha Mivoatsy

_______________________________________________________________________________________

Rakitra nakana hevitra sy fanazavàna fohy : 

(1) https://terresmalgaches.info/collectif-tany-fiandrianana-ara-tsakafo-madagasikara-ape-vondrona-eropeanina/

(2) APE : Fifanarahana Fiaraha-miasa ara-ekonomika eo amin’ny Vondrona Eropeanina sy nosy 4 aty amin’ny Ranomasimbe
Indiana, anisan’izany i Madagasikara, voasonia ny 10 jona 2026 : https://ue-madagascar.org/news_articles/62

(3) Ny UPOV na Union Interna onale pour la Protec on des Obten ons Végétales dia fikambanana firenena maromaro natao
hiarovana ny orinasa na ny voka-pikarohana momba ny masomboly. Manamafy sy miaro ny zon’ny fananana ara-tsaina (droit de
propriété intellectuelle) ny UPOV ka raha mampiasa ireo masomboly fehezin’ny UPOV, na mampitombo azy na mifanakalo
amin’ny samy tantsaha, dia tsy maintsy mividy na mandoa ny vola (sanda na royal es) takian’ny nilaza fa namorona azy. Raha tsy
manaja izany ny tantsaha mpamokatra dia voasazy.

(4) Ny TIRPAA na Traité Interna onal sur les Ressources Phytogéné ques pour l’Alimenta on et l’Agriculture, iarahana amin’ny
FAO – Fikambanana Maneran-Tany momba ny Sakafo sy ny Fambolena -, dia nosoniavin’ny Fanjakàna Malagasy taminy mars 2006
mba hiarovana ny zon’ny Tantsaha, indrindra mahakasika ny masomboly.

(5) Ny « loi sur les obtentionons végétales » no lalàna miaro ny zon’ny mpamorona masomboly.

(6) https://circabc.europa.eu/ui/group/09242a36-a438-40fd-a7af-fe32e36cbd0e/library/21e92e69-ca78-4221-a07e-95cff9b76ce5/details/

Toy izao ny teny anglisy misoratra ao amin’io rakitra io: “Each Party shall protect plant varieties rights in accordance with the
International Convention for the Protec on of New Varie es of Plants (UPOV) as lastly revised in Geneva on 19 March 1991”.
Azo adika toy izao amin’ny teny frantsay : “Chaque Partie protègera les droits sur les variétés végétales conformément à la
Convention internationale pour la protection des obtentions végétales (UPOV), telle que révisée en dernier lieu à Genève le 19
mars 1991”

The post FIHAONAN’NY MPIANDRAIKITRA NY MINISTERAN’NY FAMBOLENA SY NY FIANDRIANANA ARA-TSAKAFO TAMIN’ NY FIKAMBANAN’ NY TANTSAHA SY FIRAISAMONIMPIRENENA MOMBA NY APE SY UPOV appeared first on CRAAD-OI.

Efa nanomboka tamin’ny 02 Jona ireo hetsika samihafa izay nentina nankalazana ny faha-66 taonan’ny niverenan’ny fahaleovantena sy nijoroan’ny Foloalindahy Malagasy. Hatramin’izao fotoana izao anefa dia mbola tsy nisy mihitsy ny hetsika, na farafaharatsiny ny resaka mikasika ny fitakiana ireo Nosy Malagasy antsoina hoe Juan de Nova, Europa ary Bassas da India.

Izahay ao anatin’ny fikambanana izay manao sonia ity fanambarana ity dia mampahatsiahy ny Fitondram-panjakana fa tsy tafaverina tanteraka ny fahaleovantenan’ny firenena Malagasy raha toa ka mbola mijanona ao ambanin’ny fahefan’ny fanjakana Frantsay ireo Nosy Malagasy ireo. Noho izany dia adidy masina izay tsy azo ialan’izao Fitondran’ny Fanavaozana izao – indrindra indrindra amin’ny maha-miaramila azy – ny manohy ny fitakiana ireo Nosy Malagasy ireo, mba hanoritana mazava fa rehefa niverina ny fahaleovantenan’i Madagasikara, dia  miverina aminy feno tsy misy animbinana ny zaratany sy ny faritra maha-Madagasikara an’i  Madagasikara manontolo.

Manahiran-tsaina tokoa anefa ny fahanginan’ny Filohan’ ny Fanavaozana an’i Madagasikara (PRRM) mikasika ireo Nosy Malagasy ireo nandritry ny fihaonany indroa tamin’ny Filoha Frantsay, raha toa ka tokony nametraka mazava izy tamin’izany fa manana ny fiandrianampizakàna feno an’ireo Nosikeliny ireo i Madagasikara.  Tokony nanamarika ihany koa  ny PRRM fa ny tsy fanajàn’ny fanjakana Frantsay ny lalànafanapahana navoakan’ny firenena mikambana (ONU) tamin’ny taona 1979, dia endriky ny  fanaparam-pahefan’ny mpanjanaka izay tiany mbola hotohizana hatrany.

Tsy izany anefa no nisy, fa fifanarahana vao mainka mampanahy ho an’ny fiandrianam-pirenena no natao, satria mikasika ny famelana ny miaramila frantsay hiverina ao amin’ny toby ao Antsiranana nipetrahany talohan’ny nandroahana azy ireo tamin’ny taona 1973, amin’ny alalan’ny fandraisany anjara amin’ny fanamboarana io toby miaramila io.

Amin’izao ankatoky ny fetim-pirenena fankalazana ny faha-66 taonan’ny niverenan’ny fahaleovantena izao, dia tianay koa ny mampahatsiaro ity hafatra manaraka ity avy amin’ny SEHATRY NY RAIAMANDRENY (SERA) tamin’ny 17 Jona 2025 :

« Tsy mahazo manao antandrevaka, ary tsy afaka hamela ny hafa mbola hiady hevitra  momba ny fiandrianampizakàna feno an’ireo Nosikeliny ireo i Madagasikara. Raha tsy izany,  dia hanary ny azo sy handrarak’ilo mby an-doha izy, ka ho very hasina tanteraka eo amin’ny  sehatra iraisampirenena. Dia hihanjahanja fa mbola mpanarak’ambokony sy mitoetra ho  mpandadilady amin’izay nanjanaka azy izy, na dia ankehitriny izao aza.»

MASINA NY TANINDRAZANA, ARY ADIDY MASINA IHANY KOA NY FITAKIANA SY NY FIAROVANA AZY !

Antananarivo, 24 Jona 2026.

• Centre de Recherches et d’Appui pour les Alternatives de Développement – Océan Indien (CRAAD-OI) ; craad.madagascar@gmail.com ; http://craadoimada.com
• Concret-S / Human Rights ; https://concret-s-humanrights.com
• Femmes en Action Rurale de Madagascar (FARM) ; farmmadagascar@gmail.com; https://web.facebook.com/farmadagascar
• Réseau des Jeunes pour le Développement Durable (RJDD) ; rjdd.madagascar@gmail.com ; https://web.facebook.com/RJDDMadagascar
• Komity Fanorenana Ifotony an’i Madagasikara (KFIM)

The post FANAMBARANA appeared first on CRAAD-OI.

NY FIAROVANA MARINA NY ZO SY NY FIANDRIANAN’NY FOKONOLONA VOAKASIKY NY

TETIKASA VARA MADA AMIN’NY HARENA VOAJANAHARY MISY EO AMIN’NY TANINDRAZANY

Andriamatoa Filoha,

Taorian’ny fandaharana manokana niresahanao tamin’ny mpanao Gazety tamin’ny 31 Mey 2026, dia maro ireo hevitra nolazainao momba ireo tetikasa lehibe. Tianay singanina manokana ny tetikasa VARA MADA izay efa niandrandran’ireo fokonolona voakasika fanapahan-kevitra hentitra avy amin’ny fitondrana fanavaozana mirona amin’ny fiarovana maharitra ny zon’izy ireo taorian’ny fihaonan’ny solontenany taminao tamin’ny 15 Desambra 2025.

Andriamatoa Filoha,

Mampalahelo ihany raha toa ka izao ireo fokonolona voakasiky ny tetikasa VARA MADA vao mahafantatra izany hevitrao izany. Tianay ny mampahatsiahy anao hatrany fa amin’ireo fokonolona voakasika ireo, izay nametraka ny fitokisany taminao, no anananao tamberin’andraikitra voalohany indrindra. Izany dia tokony manomboka amin’ny fangaraharana manodidina ny fifampiraharahana rehetra izay ataonao mikasika io tetikasa efa nolaviny hatramin’ny ela io. Mazava koa amin’izao fa efa nisy ny fifanarahana taminao sy ny orinasa tompon’ny VARA MADA, saingy tsy nampahafantarana ny vakoaka voakasika hatramin’izay.

Voalohany, izay fifanarahana mety kasainao hatao dia hamatotra ny Vahoaka Malagasy sy ireo fara mandimby mandritra ny 30 taona mahery : azon’ny Mpitondra tsy voafidim-bahoaka ve ny maka andraikitra hirosoana amin’io tetikasa io ?

Vao tonga teo amin’ny Fitondrana ianao, dia naha velom-panantenana fa nampanao avy hatrany audit ny Cour des comptes. Tianay ampahatsiahivina fa efa nisy audit nataon’ny Cour des comptes momba an’i Toliara Sands, nivadika ho Base Toliara ary  lasa Vara Mada. Ny Rapport public 2020^[1] dia milaza mazava fa tsy nanara- dalàna, ary ahiana ho nisy kolikoly aza, ny fanomezana-dalana an’io tetikasa io ary efa fantatrao tsara rahateo ny vokadratsy haterany amin’ny fokonolona sy ny rohivoahary ao amin’ny distrikan’i Toliara I sy II. Noho izany, dia tokony ho foanana tsotra izao aloha ireo fanomezan-dalana rehetra efa nomena tany aloha.

Amin’izao fotoana izao, heno fa misy volavolana fifanarahana manokana omanin’ny rafitra ao anatin’ny fitondràna momba ny VARA MADA fa tsy ny Loi sur les Grands Investissements Miniers indray no hovaina, araka ny fikasàna teo aloha. Tsy vao mainka ve izany manamafy fa efa miroso amin’ny fanekena sy fifanarahana amin’ny orinasa VARA MADA ny fitondram-panjakàna, ankoatry ny vaovao naelin’ny fitondràna amerikana farany momba ny fihaonan-dry zareo tamin’Andriamatoa Praiministra^[2] ?

Andriamatoa Filoha,

Manohana ny fitakian’ny mponina hatrizay ka hatramin’izao izahay ny amin’ny hanajanonana tanteraka ny tetikasa VARA MADA aloha, fa aoka tsy ho lazaina hoe raha mifanaraka amin’ny mponina izy dia avela hanohy satria tsy mitsahatra ny mandà ilay tetikasa ny mponina[3]. Hery tsy mitovy no resahana, indrindra rehefa ohatry ny manasa tànana ny Filoha faratampony ao amin’ny Fanavaozana fa tsy manohana ny vahoakany.

Satria mbola ianao ihany koa no tompon’andraikitra voalohany amin’ny fanajana sy fiarovana ary fanatanterahana ny zon’ireo fokonolona voakasika ireo handà ankalalahana tanteraka izay tetikasa fampandrosoana tsy sahaza azy, dia tsy afaka ny hanasa tanana ianao amin’izay mety ho vokatry ny fifanandrinan’izy ireo amin’ny mpiandraikitra ny VARA MADA, izay efa voaporofo fa tsy nisalasala nampiasa herisetra sy tsindry amin’ny endrika samihafa mba hampandrosoana ny tetikasany.

Izahay izay manao sonia ity taratasy misokatra ity dia maneho ny firaisanay hina hatrany amin’ny fokonolona voakasiky ny tetikasa VARA MADA amin’izay tolona tsy maintsy mbola hataony amin’ny ho avy mba ahafahany miaina ao anatin’ny fahamendrehena sy ny fahalemana amin’ny lafiny rehetra, ary ny fiandrianana feno amin’ny harena voajanahary misy eo amin’ny tanindrazany.

Natao androany faha – 5 jona 2026

• Centre de Recherches et d’Appui pour les Alternatives de Développement – Océan Indien (CRAAD-OI) ; craad.madagascar@gmail.com ; http://craadoimada.com
• Collectif pour la Défense des Terres Malgaches – Collectif TANY ;malagasy@gmail.com ; https://terresmalgaches.info/
• Concret-S / Human Rights  ; https://concret-s-humanrights.com
• Femmes en Action Rurale de Madagascar (FARM) ; farmmadagascar@gmail.com; https://web.facebook.com/farmadagascar
• Réseau des Jeunes pour le Développement Durable (RJDD) ; madagascar@gmail.com ; https://web.facebook.com/RJDDMadagascar
• Fikambanan’ny Masikoro Arivolahy Antananarivo (FI.MA)
• Fikambanan’ny Fiherena Manombo Mangoky (FI.FI.MA.MA).Taratasy misokatra 5juin26
• Komity Fanorenana Ifotony an’i Madagasikara (KFIM)

The post TARATASY MISOKATRA HO AN’NY FILOHAN’NY FANAVAOZANA NY REPOBLIKAN’NY MADAGASIKARA (PRRM) appeared first on CRAAD-OI.

The post TSY AZO EKENA NY FANAOVANA SORONA NY ZON’IREO VAHOAKA MANOHITRA NY TETIKASA VARA MADA SY NY HARENA VOAJANAHARY NENTIM-PAHARAZANA ARY NY FIANDRIANAM-PIRENENA MBA HAMALIANA NY FILAN’NY MPITONDRA AMERIKANA appeared first on CRAAD-OI.

• Accueil / 
• Justice économique

LETTRE OUVERTE À MONSIEUR LE PRÉSIDENT DE LA REFONDATION DE MADAGASCAR CONCERNANT LE PROJET BAS MANGOKY

Dans le contexte actuel où le gouvernement valorise la refondation et l’innovation, il est nécessaire de descendre au niveau local pour constater la réalité et éliminer les mauvaises pratiques qui causent réellement la souffrance de la population.
Parmi les causes de souffrance pour les habitants de la région de Bas Mangoky, district de Morombe, Région Atsimo-Andrefana, figure la distribution illégale des terres par les Comités d’Attribution des Terres (CAT) dans le cadre du projet PII d’aménagement des terres agricoles. Ce projet transforme des parcelles cultivées de maïs, manioc, kabaro, lojy, et autres, en terres de riz s’étendant sur 5000 ha.
Actuellement, de nombreux paysans ne peuvent toujours pas accéder à leurs terres ; d’autres voient leurs terres attribuées à des tiers. Ceux qui refusent cette situation sont menacés d’arrestation et d’emprisonnement.
Parmi ces situations, on note les cas suivants :
Le 6 février 2026, vers 4 heures du matin, quatre policiers se sont rendus au domicile de Madame
Adolphe Razafindregaky Solange, 44 ans, résidant au Fokontany Tanivao, Commune rurale d’Ambahikily, pour procéder à son arrestation.
En plus de Madame Solange, les personnes suivantes ont également été arrêtées :
Monsieur Gervais Désiré, 49 ans
Monsieur Hery, 52 ans
Monsieur Mahanatsy, 28 ans
Monsieur Kamagnaritse Jeanty, 32 ans
Tous domiciliés au Fokontany Ampagnarivo, Commune de Tanandava Station.
Motif des arrestations :
Madame Solange est accusée d’avoir engagé des personnes pour assassiner Monsieur Mbola Romain, dit “Pelakelena” (militaire), dans le cadre d’un conflit foncier.
Monsieur Gervais Désiré est accusé d’être son complice.
Messieurs Mahanatsy, Kamagnaritse et Hery sont accusés d’être les auteurs matériels présumés de ce projet de meurtre.
Plaignants :
Contre Madame Solange, Hery, Kamagnaritse et Mahanatsy : Monsieur Mbola Romain, dit Pelakelena.
Contre Monsieur Gervais Désiré : Monsieur Mbola Romain et Monsieur Zafisoa, assistant de M. Mbola Romain sur les terres agricoles.
Déclarations des personnes arrêtées :
Le 7 février 2026, une enquête a été menée. Toutes les personnes arrêtées ont nié les accusations et ont déclaré que ces faits sont fabriqués de toutes pièces. Elles affirment ne pas être en conflit avec le plaignant, mais que c’est ce dernier qui les menace, en déclarant qu’il les fera emprisonner s’ils refusent de quitter leurs terres.
Nouvelle arrestation :
Le dimanche 8 février 2026, vers 4 heures du matin, la police a procédé à l’arrestation de Monsieur Alifred, 75 ans, domicilié à Ankotoboka, Commune rurale d’Ambahikily.
Il est accusé par une autre personne d’avoir menacé de mort quelqu’un à qui la CAT aurait attribué une parcelle de terre. Monsieur Alifred nie catégoriquement ces accusations.
Le mardi 10 février 2026, les personnes arrêtées ont été présentées au Parquet. Le Tribunal de Première Instance a décidé de placer Madame Solange et Monsieur Gervais Désiré sous mandat de dépôt, tandis que les autres ont été relâchés provisoirement.
En conséquence, leur avocat a déposé une demande de liberté définitive pour Madame Solange et Monsieur Gervais Désiré le mercredi 11 février 2026, mais aucune réponse n’a encore été donnée.
La réalité est que les accusations de menaces de mort et de projet d’assassinat envers les véritables propriétaires fonciers ne correspondent pas aux faits. Ces personnes refusent simplement que leurs terres soient usurpées ou confisquées.
Nous lançons donc un appel urgent, car nous avons des droits en tant que paysans et ceux-ci ne doivent pas être ignorés ou piétinés.
Voici Nos droits des paysans cultivateurs tels qu’ils sont reconnus par les normes internationales et la législation malgache sur la terre et les droits humains :
Droit de conserver leur terre
Les paysans ont le droit de posséder et d’utiliser légalement leurs terres. Celles-ci ne peuvent être prises ou distribuées sans motif légal.
Droit à un procès équitable
En cas de conflit foncier ou de litige avec un bailleur ou un tiers, les paysans ont le droit de demander un jugement équitable et d’éviter toute arrestation ou détention illégale.
Droit de participer aux décisions concernant la terre
Les paysans doivent être impliqués dans les décisions liées à l’attribution, la redistribution ou l’aménagement des terres au sein de leur communauté.
Droit à la protection de l’agriculture et du mode de vie
Aucun projet de redistribution ou d’attribution de terres ne doit nuire aux activités agricoles ou à la vie des paysans.
Droit à l’information
Les paysans ont le droit d’obtenir des informations claires sur la redistribution des terres, les projets d’aménagement foncier et les droits des autres parties dans la région.

Ambahikily 11 Février 2026
Association Tsy miambany Firaisankina
Firaisankina ny Fiherenana, Manombo, Mangoky

RETROUVEZ L’ÉNONCÉ COMPLET DU COMMUNIQUÉ DANS L’IMAGE CI-DESSOUS

The post LETTRE OUVERTE À MONSIEUR LE PRÉSIDENT DE LA REFONDATION DE MADAGASCAR CONCERNANT LE PROJET BAS MANGOKY appeared first on CRAAD-OI.

• Accueil / 
• Justice économique

TARATASY MISOKATRA HO AN’ANDRIAMATOA FILOHAN’NY FANAVAOZANA NY REPOBLIKAN’I MADAGASIKARA MIKASIKA NY TETIKASA BAS MANGOKY

Amin’izao fotoana izao, izay anandratan’ny governemanta ny fanavaozana sy ny fampivoarana, dia ilaina ny  midina eny ifotony mba hijerena ny zava-misy marina sy hanafoanana ireo fomba fanao ratsy izay tena  mahatonga ny mponina hijaly. 

Anisan’ny anton’ny fijalian’ny mponina ao amin’ny faritr’i Bas Mangoky, distrikan’i Morombe, faritra  Atsimo-Andrefana, ny fitsinjarana tsy ara-dalàna ny tany ataon’ny Komitin’ny Fitsinjarana Tany (CAT) ao  anatin’ny tetikasa fanajariana ny tany fambolena PII. Ity tetikasa ity dia manova ny tanimboly nambolena  katsaka, mangahazo, kabaro, lojy ary voly hafa ho lasa tanim-bary mirefy 5.000 hektara. 

Amin’izao fotoana izao, maro ireo tantsaha no mbola tsy afaka miditra amin’ny taniny, raha ny hafa kosa  nahita ny taniny nomena olon-kafa. Ireo izay mandà sy tsy manaiky izany toe-javatra izany dia  ampitahorana ho voasambotra sy higadra. 

Anisan’ireo toe-draharaha ireo, dia marihina manokana ireto tranga manaraka ireto: 

Tamin’ny 6 Febroary 2026, tokony ho tamin’ny 4 ora maraina, nisy polisy efatra nankao an-tranon’i  Ramatoa Adolphe Razafindregaky Solange, 44 taona, monina ao amin’ny Fokontany Tanivao, kaominina  ambanivohitr’i Ambahikily, mba hisambotra azy. 

Ankoatra an’i Ramatoa Solange, dia voasambotra koa ireto olona manaraka ireto: 

Andriamatoa Gervais Désiré, 49 taona

Andriamatoa Hery, 52 taona 

Andriamatoa Mahanatsy, 28 taona 

Andriamatoa Kamagnaritse Jeanty, 32 taona 

Samy monina ao amin’ny Fokontany Ampagnarivo, Kaomina Tanandava StaƟon. 

Antony nisamborana azy ireo: 

Voampanga ho naniraka olona hamono an’Atoa Mbola Romain, izay fantatra amin’ny anarana hoe  « Pelakelena » (miaramila), i Ramatoa Solange, noho ny olana fifandirana eo amin’ny tany. Voampanga ho namana mpiara-dia aminy amin’izany kosa Atoa Gervais Désiré. 

Voampanga ho ireo nokasaina hanatanteraka ity teti-pamonoana olona ity ry Andriamatoa Mahanatsy,  Kamagnaritse ary Hery. 

Mpitory : 

An’i Ramatoa Solange sy Atoa Hery, Kamagnaritse ary Mahanatsy: Andriamatoa Mbola Romain, fantatra  amin’ny anarana hoe Pelakelena. 

An’i Andriamatoa Gervais Désiré: Andriamatoa Mbola Romain sy Andriamatoa Zafisoa, mpanampy  an’Andriamatoa Mbola Romain eny amin’ny saha. 

Fanambaran’ireo olona voatazona: 

Tamin’ny 7 Febroary 2026, nisy fanadihadiana natao. Nandà ny fiampangana avokoa ireo rehetra voatazona ary nilaza fa noforonina ny fiampangana. Milaza izy ireo fa tsy misy fifandirana amin’ilay mpitory, fa ilay  mpitory kosa no mandrahona azy ireo, ka milaza fa hampiditra azy ireo am-ponja izy raha mandà ny hiala  amin’ny taniny izy ireo. 

Fisamborana vaovao: 

Ny Alahady 8 Febroary 2026, tokony ho tamin’ny 4 ora maraina, dia nosamborin’ny polisy Andriamatoa  Alifred, 75 taona, monina ao Ankotoboka, kaominina ambanivohitr’i Ambahikily. 

Voampangan’ny olona iray hafa ho nandrahona hamono olona izay nomena tany iray avy amin’ny CAT izy.  Mandà tanteraka ireo fiampangana ireo Andriamatoa Alifred. 

Ny Talata 10 Febroary 2026, nentina teo anatrehan’ny Biraon’ny Fampanoavana ireo voasambotra. Nanapa kevitra ny Fitsarana ambaratonga voalohany fa hotazonina am-ponja vonjimaika Ramatoa Solange sy  Andriamatoa Gervais Désiré, raha navotsotra vonjimaika kosa ireo olon-kafa. 

Vokatr’izany, nametraka fangatahana famotsorana tanteraka ho an-dRamatoa Solange sy Andriamatoa  Gervais Désiré ny mpisolovava ny ny Alarobia 11 Febroary 2026, saingy mbola tsy nisy valiny azo hatreto.

Ny zava-misy dia tsy mifanaraka amin’ny zava-nitranga ireo fiampangana ireo tena tompon-tany ireo  momba ny fandrahonana hamono sy ny drafitra hamonoana. Tsy manaiky fotsiny ireo olona ireo ny  hamela ny taniny ho alaina an-kafetsena na ho alaina ankeriny 

Noho izany dia manao antso maika izahay, satria manana zo izahay amin’ny maha-tantsaha anay ary tsy  tokony hohadinoina na ho hitsakitsahana izany zo izany. 

Ireto avy ny zon’ny tantsaha araka ny fenitra iraisam-pirenena sy ny lalàna Malagasy momba ny tany sy ny  zon’olombelona: 

Zo hitazona ny taniny 

Manana zo hanana ara-dalàna sy hampiasa ny taniny ny tantsaha. Tsy azo alaina na zaraina ny tanin’izy ireo  raha tsy misy antony ara-dalàna. 

Zon’ny fitsarana ara-drariny 

Raha misy fifandirana na fitoriana momba ny tany amin’ny mpampanofa na antokon’olona fahatelo, dia  manan-jo hitady fitsarana ara-drariny ny tantsaha ary hisoroka ny fisamborana na fitazonana tsy ara dalàna. 

Zo handray anjara amin’ny fanapahan-kevitra momba ny tany 

Tsy maintsy ampidirina handray anjara amin’ny fanapahan-kevitra mifandraika amin’ny fitsinjarana, ny  fifampizarazarana na ny fanajariana ny tany ao anatin’ny fiarahamonina misy azy ireo ny tantsaha. 

Zo hiarovana ny fambolena sy ny fomba fiaina 

Tsy tokony hisy tetikasa fanovàna tànana na fizaràna tany hanimba ny asa fambolena ataon’ny tantsaha na  ny fivelomany. 

Zo hahazo vaovao 

Manana zo hahazo vaovao mazava ny tantsaha momba ny fanovàna tànana, ny tetikasa fanajariana ny tany  ary ny zon’ireo ankolafiny hafa ao amin’ny faritra. 

Ambahikily 11 Febroary 2026 

Fikambanana Volirano Tsy miambany Firaisankina 

Firaisankina ny Fiherenana, Manombo, Mangoky

AMIN’NY SARY ETO AMBANY NY FANAMBARANA MANONTOLO

The post TARATASY MISOKATRA HO AN’ANDRIAMATOA FILOHAN’NY FANAVAOZANA NY REPOBLIKAN’I MADAGASIKARA MIKASIKA NY TETIKASA BAS-MANGOKY appeared first on CRAAD-OI.